Կապ սփյուռքի հետ

You are here

Error message

Deprecated function: The each() function is deprecated. This message will be suppressed on further calls in menu_set_active_trail() (line 2405 of /home/tkdezc6m8fiq/public_html/missioneast.am/includes/menu.inc).
Աջակցություն համայնքների զարգացմանը սփյուռքի հետ կապի միջոցով

Բավարար ուշադրության չեն արժանանում (եթե ընդհանրապես արժանանում են) աշխատանքային (սեզոնային) միգրացիայի սոցիալական հետեւանքները հայրենիքում մնացած ընտանիքների եւ միգրանտների համար: Չնայած ֆինանսական միջոցների ներհոսքին՝ աշխատանքային միգրացիան առաջացնում է խոցելիության մի շարք գործոններ, որոնք ազդում են ընտանիքի անդամների վրա: Այդ գործոններից են հոգեբանական խնդիրները, սեռական ճանապարհով փոխանցվող հիվանդությունների ենթարկվելու վտանգը, բավարար խնամքի բացակայությունը, առողջապահական եւ կրթական ծառայություններից օգտվելու սահմանափակ հնարավորությունը, եւ երեխաների՝ բռնության եւ չարաշահման ենթակա լինելու հանգամանքը:

«Առաքելություն Արեւելք» կազմակերպության ջանքերը հանդիսանում են Հայաստանում ընտանիքների ամրության ամրապնդման եւ աշխատանքային միգրացիայի բացասական սոցիալական ազդեցությունների մեղմմանն ուղղված համալիր եւ ամբողջական մոտեցում, որն իրագործվում է մի շարք փոխկապակցված միջոցառումների միջոցով, ինչպիսիք են, անհատական խորհրդատվություն, սոցիալական պլանավորում համայնքներում, ինստիտուցիոնալ համագործակցություն, ծնողական խնամք եւ սփյուռքի ներգրավում, որոնց բոլորի հիմքում ընկած են քաղաքականության հարթությունում իրականացվող բարեփոխումները: Կազմակերպությունն իր գործողություններն իրականացնում է ընթացիկ բարեփոխումներին համահունչ եւ համապատասխան, սոցիալական ծառայությունների ավելի լավ ինտեգրման ուղղությամբ: Որպես այդպիսին, այդ գործողությունների նպատակը միգրացիայի եւ համայնքային զարգացման կապին նպաստելն է՝ հատկապես ուշադրություն դարձնելով միգրանտների ընտանիքների վրա սոցիալական հետեւանքներին եւ հայրենիքի զարգացման գործում սփյուռքի մասնակցության ընդլայնմանն ուղղված միջոցառումներին: Ծրագիրը հասցեագրված է Հայաստանի չորս մարզերի՝ Լոռի, Շիրակ, Տավուշ եւ Գեղարքունիք:

Այս աշխատանքների գլխավոր նպատակն է ստեղծել միգրանտների եւ սփյուռքի կազմակերպությունների ցանցեր եւ ներգրավել նրանց համայնքների զարգացմանը՝ ի նպաստ միգրանտների ամենախոցերի ընտանիքների եւ երեխաների: